Հրդեհ` «Ջրվեժ» անտառպարկում

Ահազանգ է ստացվել, որ Ջրվեժի անտառպարկ տարածքում կրակ է նկատվում։ Դեպքի վայր են մեկնել թիվ 9 և թիվ 11 ՀՓՋ-ներից 1 ական մարտական հաշվարկ և ԵՓՎ ՀՓԱԿ հերթապահ խումբը։
Դեպքի վայրում այս պահում աշխատում է անտառտնտեսության 15 աշխատակից։ Տեղում հաստատվել է հրդեհի բարդության «1 Բիս» կանչ։ Մեկնել է ևս 2 մարտական հաշվարկ։
Նախնական տվյալներով այրվում է մոտ 2 հա բուսածածկույթ։
Բարձր ջերմաստիճանը իր հետ բերում է հրդեհների առաջացման ռիսկեր։ Հնարավոր հրդեհներից և դրանց անկանխատեսելի հետևանքներից խուսափելու համար հորդորում ենք խստորեն հետևել հակահրդեհային նորմերի պահպանմանը, հայտնում է ՀՀ շրջակա միջավայրի նախարարությունը։