Շիրակի մարզում 2 տարեկան երեխա է մահացել

Երեկ՝ օգոստոսի 15-ին, ողբերգական դեպք է տեղի ունեցել Շիրակի մարզում։ Ժամը 17։20-ի սահմանններում «Արթիկ» բժշկական կենտրոնի շտապօգնության կայանից ՀՀ ՆԳՆ Ոստիկանության Շիրակի մարզային վարչության օպերատիվ կառավարման կենտրոն ահազանգ է ստացվել, որ բժիշկների հերթապահ խումբը իրենց մոտ է տեղափոխել երեխայի դի։ Ինչպես հայտնում է ֆոտոլրագրող Գագիկ Շամշյանը, ոստիկաններն ու քննիչները պարզել են, որ մահացածը Շիրակի մարզի գյուղերից մեկի բնակիչ, 2-ամյա Ռուզաննա Խ-ն է։ Պարզվել է նաև, որ նույն օրը երեխան ծնողների հետ գտնվելիս է եղել մոր հայրական տանը, որտեղ բակում աղավնիների հետ խաղալիս մի պահ դուրս է մնացել ծնողերի տեսադաշտից, որից հետո ծնողները ման են եկել երեխային և տանից մոտ 50 մետր հեռավորության վրա գտնվող լճակում հայտնաբերել երեխայի ջրահեղձ եղած դին։

Մանրամասները՝ սկզբնաղբյուրում։