«Խոսել եմ տարբեր ուղղություններով հրամանատարական տարբեր օղակների հետ». Դավիթ Թորոսյան

«Հանուն հայ զինվորի» ՀԿ ղեկավար Դավիթ Թորոսյանը ֆեյսբուքյան իր էջում գրել է. «Ընկերներ, քանի որ շատերդ եք ուղարկել գրառումը «սահմանի ամբողջ երկարությամբ ու ահասարսուռ կուտակումների մասին», ինչքան էլ ինձ համար ակնհայտ էր, ամեն դեպքում կապվել, խոսել եմ տարբեր ուղղություններով հրամանատարական տարբեր օղակների ու տարբեր «պրոֆիլով» ընկերների հետ ու ինչպես և սպասում էի, գրվածին անգամ մոտավոր իրավիճակ չկար, դեռ մի բան էլ ահագին զարմացան տղերքը։ Այն, ինչ որ կա սահմանին կամ մերձակա հատվածում, տեխնիկա և մարդուժ, դրանք ամիսներ շարունակ (եթե ոչ տարի) առկա ուժերը և միջոցներն են։ Իհարկե, հաշվի առնելով նաև տեղեկատվական-քարոզչական դեմպինգը, վերոնշյալը չի նշանակում, որ չեն կարող լինել սադրանքներ կամ սահմանային միջադեպեր ու լարումներ, բայց այս պահին նման բան չկա։ Եթե անկեղծ, նման տեսակի և ծավալի ինֆորմացիա անգամ օդային, տիեզերական և զորային հետախուզական տվյալների համադրման արդյունքում վստահ չեմ, որ կարելի է ստանալ։ Երևի պետք ա թշնամու գլխավոր շտաբում բարձրաստիճան մարդ ունենաս, որ նման ինֆո տա։
Հ.Գ Ինձ թվում ա, ավելի դետալային բաներ ասել իմաստ չունի, ամեն ինչ առանց խորանալու էլ պարզ ա»։