«Ինչո՞ւ խզում առաջացավ Ձեր և ՔՊ-ի միջև». հարց` Մարությանին

«Ազգային առաջընթաց» կուսակցության քաղաքապետի թեկնածու, Երևանի նախկին քաղաքապետ Հայկ Մարությանը ֆեյսբուքյան ասուլիսի եթերում պատասխանեց հարցին՝ ինչո՞ւ խզում առաջացավ իր և ՔՊ-ի միջև: «Ես տեսնում էի, որ քայլ առ քայլ նրանք հեռանում են այն արժեքներից, որոնց համար մենք հեղափոխություն էինք արել: Ասենք՝ հեղափոխության ժամանակ նրանք հայտարարում էին, որ չի կարելի քաղաքական հայացքների համար մարդկանց հալածել, այնինչ հեղափոխությունից հետո աշխատանքից հեռացնում էին հակաիշխանական գրառումների պատճառով: Հարյուրավոր օրինակներ կարող եմ բերել, որոնք գնալով այնքան շատացան, որ ես, տեսնելով, որ չեմ կարողանում այս պրոցեսը կանգնեցնել ներսից, որոշեցի մաս չկազմել»,- պատասխանեց Մարությանը: