«Փորձում են հերոսածին ծնողին հեղինակազրկել»․ ԱԺ պատգամավոր

ԱԺ «Հայաստան» խմբակցության պատգամավոր Գառնիկ Դանիելյանը, ով երեկ ՁՊՎ-ում տեսակցել է զոհված զինծառայողի հայր Գարիկ Գալեյանին, այսօր՝ Շենգավիթի դատարանի բակում լրագրողների հետ զրույցում նշել է, որ Գալեյանի կամքն ամուր է․ «Իր մոտ կա հիասթափություն։ Պարզ է՝ մարդը որոշակի անհանգստություն ունի, որ փորձում են իր անունն արատավորել, պատվի հետ խաղալ։ Ամենավտանգավորն այն է, որ փորձում են հերոսածին ծնողին հեղինակազրկել՝ այն էլ այսպիսի գործով»։

Նախօրեին ՔԿ-ն հայտնել էր, որ Գալեյանին մեղադրանք է ներկայացվել թմրամիջոցների ապօրինի շրջանառության և խուլիգանություն կատարելու համար։