«Կան բազմաթիվ ականներ, որոնք հաշվարկել էր Ադրբեջանը». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Երբ Ադրբեջանն սկսեց շրջանառել Աղդամի ճանապարհով հումանիտար մատակարարումներ կատարելու մտադրությունը, ես վստահ էի, որ ամեն գնով փորձելու է հասնել դրա իրագործմանը, քանի որ դրա տակ կան բազմաթիվ ականներ, որոնք հաշվարկել էր Ադրբեջանը։ Հայկական դիմադրությունը հավանաբար սպասելի չէր, ուստի գտան այլընտրանքային տարբերակ և դա ռուսական բեռնատարն էր։
Վստահ եմ, նախորդիվ եղել են քննարկումներ և բանակցություններ այս հարցով, սակայն փաստը, որ ռուսական բեռնատարով օգնություն է մտել Արցախ, ինքնին նման է «պանդորայի արկղի» և պակաս վտանգավոր չէ, քան ադրբեջանական կարմիր մահիկի դեպքում։
Հուսով եմ, սա միայն իմ վատատեսության արդյունքն է, բայց այս քայլով տեսնում եմ նոր ճգնաժամի հասունացում։ Տա Աստված, որ սխալվեմ»։