«Ի՞նչ է զգում պարոն Բաբայանը, երբ իր հայտարարությունների համար գովասանքի է արժանանում ադրբեջանական մամուլում»․ Մամիջանյան

ԱԺ «Պատիվ ունեմ» խմբակցության ղեկավար Հայկ Մամիջանյանը 24TV-ի եթերում անդրադառնալով Արցախի նախագահի ընտրությանը՝ շնորհավորել է Սամվել Շահրամանյանին, վստահություն հայտնել, որ նրան կհաջողվի ապահովել հասարակական, քաղաքական համախմբում․ «Բոլորս գիտենք, որ նույնիսկ Արցախում առկա են գործիչներ և ուժեր, որոնք վարում են ակնհայտ պրոթշնամական քարոզչություն։ Ցավով պետք է նշեն, որ նկատի ունեմ Սամվել Բաբայանին ու իր սատելիտ որոշ գործիչների՝ կասկածելի ֆինանսական ու աշխարհաքաղաքական ծագումնաբանությամբ։ Ես չեմ կարող պատկերացնել՝ ի՞նչ է պարոն Բաբայանը զգում, երբ իր հայտարարությունների համար գովասանքի խոսքերի է արժանանում ադրբեջանական մամուլում»,- հավելել է Մամիջանյանը։