«Թողելո՞ւ ենք, որ էս մարդը, ով նույնիսկ իր գաղափարներն է տանուլ տալիս, շարունակի կառավարել Հայաստանը». Միքայել Նահապետյան

«Քաղաքացու որոշում» կուսակցության Գործադիր մարմնի անդամ Միքայել Նահապետյանի գրառումը. «Անցյալ տարվա ապրիլի 13-ին Նիկոլ Փաշինյանը հայտարարել է, որ «եթե մենք մի փոքր իջեցնենք Լեռնային Ղարաբաղի կարգավիճակի հարցում մեր նշաձողը՝ միջազգային աննախադեպ կոնսոլիդացիա կապահովենք ԼՂ և Հայաստանի շուրջ»։
Սա մի քաղաքականություն է, որի հռչակման հետ կապ չունեն ո՛չ նախկինները, ո՛չ ապագաները, մի քաղաքականություն, որը պայմանավորված չէր ո՛չ բանակցային ժառանգությամբ, ո՛չ դրանց իրավական շրջանակով։ Սա բացառապես փաշինյանական ճարտարապետությամբ քաղաքականություն էր, որին ոչ ոք ո՛չ խանգարել է, ո՛չ տեսանելիորեն դիմադրել։
Հռչակված այդ քաղաքականությունը նա առաջ է տարել առանց կիսատպռատությունների ու մինչև վերջ։ Երեկ այդ քաղաքականության հեղինակը խուճապահար զանգեր էր անում աշխարհքաղաքական տարբեր կենտրոններ՝ փորձելով միջնորդ գտնել նոր զիջումների համար, որովհետև հին զիջումները ոչ միայն չեն լուծել խնդիրը այլև հանգեցրել են Արցախի մոտ մեկ տարվա շրջափակման, Հայաստանի դիվանագիտական «չմոյացման»։
Հիմա հարց. մենք թողելո՞ւ ենք, որ էս մարդը, ով նույնիսկ իր գաղափարներն է տանուլ տալիս, շարունակի կառավարել Հայաստանը»։