«Տեղի ունեցավ այն, ինչ լիովին կանխատեսելի էր». Նարինե Դիլբարյան

Հայոց լեզվի պատմության ամբիոնի դոցենտ Նարինե Դիլբարյանը գրում է. «Տեղի ունեցավ այն, ինչ լիովին կանխատեսելի էր՝ իլհամ ալիևը հրաժարվեց բացել Բերձորի միջանցքը՝ խորհրդանշական ռուսական կարմիր խաչի հումանիտար բեռով բարձված բեռնատարի Ակնայից Ասկերան մտնելուց հետո, հերթական խաբեությունը, ուստի Արցախի նորընտրված նախագահի և գործող իշխանության որոշմամբ, արցախցիների հրապարակային կամքով՝ Ակնա-Ասկերան ճանապարհը փակ է։ Տեղ չհասած օգնությունը Պարտավում է, ինչպես ՀՀ և Ֆրանսիայի հումանիտար բեռները՝ Կոռնիձորում։ Բոլորս սպասում ենք ՀՀ գործող իշխանության կասկածելիորեն ուշացող վերաբերմունք-ուղերձին Արցախի Հանրապետության նորընտիր նախագահ Սամվել Շահրամանյանին (ոչ Սամվել Բաբայանին, որի հայտարարությունները ադրբեջանական մամուլում բավական դրական գնահատվեցին) և միջազգային կառույցների գործողություններին՝ Արցախի իշխանությունները բանակցային կամք դրսևորեցին, արդյունքը ադրբեջանի կողմից՝ 0, պատժամիջոցների փաթեթ կընդունվի՞, թե՞ ցեղասպան ալիևին կփորձեն շարունակել սիրաշահել, Փաշինյանն էլ կմնա երկարատև երկընտրանքում՝ շնորհավորե՞լ, թե՞ չշնորհավորել ԱՀ նոր նախագահին, կբարկանա՞, թե՞ չի բարկանա ալիևը․․․․»։