«Մենք կանխագուշակում էինք, որ Փաշինյանի ընդունելի ընդդիմությունը լինելու է Մարությանը»․ քաղաքագետ

Քաղաքագետ Ստեփան Դանիելյանի ֆեյսբուքյան գրառումը. «Երբ քարոզարշավից առաջ քննարկում էինք հնարավոր տարբերակները, հիմնական սցենարն այն էր, որ Փաշինյանի համար ընդունելի ընդդիմությունը լինելու է այն թեկնածուն, ում դարձնելու են քննադատության թիրախ, դրանով բարձրացնելով նրա ձայների քանակը:
Ինչն է հետաքրքիր, մենք կանխագուշակում էինք, որ դա լինելու է Հայկ Մարությանը: Նրան դարձնելով հիմնական թիրախ, դարձնելու էին ՔՊ-ի այլընտրանքը: Դա պարզ տեխնոլոգիա է, որը բազմիցս է կիրառվել:
Հիմա հիմնական հարցը, ինչու ընտրեցին Մարությանին: Պատասխան, - Մարությանին իրենք չեն ընտրել, այլ ընտրել են այն նույն կենտրոնից, որը կառավարում է և Փաշինյանին, և Մարությանին:
Այն ամենը, ինչը կատարվում է Հայաստանում՝ ցանկացած ընտրություն, որը տեղի է ունենում, ունի աշխարհաքաղաքական նշանակություն, իսկ Հայաստանի աշխարքաղաքական միակ արժեքն ու պայքարի թեման Սյունիքն է»։