«Հայաստանի Հանրապետությունն Արցախի Հանրապետությունը չի ճանաչել որևէ այլ պետության կազմում». Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Հարցազրույցում այսօր արդեն պնդել եմ, հիմա էլ ասեմ՝ Պուտինը երբ ասում է, որ Հայաստանը ճանաչել է Արցախը Ադրբեջանի կազմում, իրականում մանիպուլյացիայի արդյունք է, որովհետև Փաշինյան Նիկոլն է ճանաչել, վերջինիս ծառաներն են ճանաչել, բայց Հայաստանի Հանրապետությունը չի ճանաչել։ Որպեսզի Հայաստանի Հանրապետությունր ճանաչի, նախ պետք է ստորագրվի համաձայնագիր, որը պետք է ուղարկվի ՀՀ Սահմանադրական դատարան նախնական եզրակացություն ստանալու համար, և միայն դրական եզրակացություն ստանալուց հետո ՀՀ Ազգային ժողովում դրվի քվեարկության։ Այստեղ էլ համապատասխան ձայներ ապահովելուց հետո նոր միայն իրավաբանորեն կարելի է ասել, որ Հայաստանի Հանրապետությունը ճանաչել է։ Ի դեպ՝ համացանցում կա Հեյդար Ալիևի հայտարարությունը, որտեղ նա նշում է, որ Լեռնային Ղարաբաղը Ադրբեջանի համար կորսված է, բայց դրանից հնարավոր չէ եզրակացություն անել, որ Ադրբեջանը Լեռնային Ղարաբաղը ճանաչել է որպես իր կազմից դուրս միավոր։
Հայաստանի Հանրապետությունը Արցախի Հանրապետությունը չի ճանաչել որևէ այլ պետության կազմում։
Սա է ճշմարտությունը, իսկ թե հետո ի՞նչ կլինի, դժվար է ասել»։