«Փաստորեն ԵՄ դիտորդական առաքելությունը ստանձնել է մի նոր գործառույթ». Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը. «ԵՄ դիտորդական առաքելությունը հայտնում է, որ իրենց ներկայությամբ նպաստում են Երասխում կառուցվելիք մետալուրգիական գործարանի սարքավորումների անվտանգ տեղափոխմանը այլ վայր:
Փաստորեն ԵՄ դիտորդական առաքելությունը ստանձնել է մի նոր գործառույթ, նպաստելով ոչ թե Հայաստանի՝ Ադրբեջանի հետ սահմանին գտնվող սուբյեկտների անվտանգ կենսագործունեությանը, այլ՝ սահմանից անվտանգ հեռանալուն:
Կասեք, թե սա չափազանցված, խտացված գույներով գնահատական է: Դե, եթե համարենք, որ նորմալ է, երբ Ադրբեջանը փաստորեն թույլ չի տալիս ՀՀ սուվերեն տարածքում կառուցել գործարան և այն տեղափոխվում է այլ վայր, այդ դեպքում իհարկե ԵՄ դիտորդների նոր գործառույթի մասին գնահատականը խտացված ու չափազանցված է:
Միևնույն ժամանակ, ՀՀ սուվերեն տարածքում ՀՀ սուբյեկտների իրավունքների պաշտպանության և անվտանգության պատասխանատուն ՀՀ-ն է, առաջին և աներկբա հերթին, հետո նոր միայն որեւէ այլ մեկը»: