«Ասե՛ք, կանե՛նք, էս ի՞նչ օրն եք ընկել». 3 սենյականոցում գրանցված է 87 այլազգի

«Մայր Հայաստան» դաշինքի կազմում քաղաքապետի ընտրություններին մասնակցող Գևորգ Ստեփանյանը ֆեյսբուքյան իր էջում հրապարակել է տեսանյութ (տեսանյութն ավելի վաղ իր էջում հրապարակել է Սոնա Աղեկյանը) ու գրել. «Ասե՛ք, կանե՛նք, էս ի՞նչ օրն եք ընկել»:

Իսկ տեսանյութում նկարագրվում է, թե ինչ է արձանագրվել 7/5 ընտրատեղամասի ընտրողների ցուցակներում. «ՀԱԹ, Բ2 թաղամաս, 131 շենքի 26 բնակարանում գրանցված ընտրելու հնարավորություն ունեցողներն են, ըստ հրապարակված ցուցակների 3 սենյականոց բնակարանում գրանցված է 87 մարդ: Նիկոլ Փաշինյան, առաջարկում եմ անձամբ գաս ու պատասխան տաս»,- ասվում է տեսանյութում: