«Վանաձորից եմ եկել, մեր մարզադպրոցի կոլեկտիվին չեն պարտադրել, որ գանք». ՔՊ-ի հանրահավաքի մասնակիցների մի մասը Երևանից չեն

Այսօր Երևանում կայացած ՔՊ-ի հանրահավաքին մասնակցել են այլ մարզերում բնակվող մեծ թվով մարդիկ, ովքեր ոչ Երևանի գրանցում ունեն, ոչ էլ ընտրելու իրավունք: Նրանք իրենք են խոստովանել, որ եկել են Տավուշից, Արտաշատից, Վայոց Ձորից, Ռուսաստանից: «Եկել եմ ուղղակի վարչապետիս տենամ»,- ասում է կանանցից մեկը:

Իսկ Վանաձորից եկած մի կին էլ շտապում է արդարանալ, թեպեդ իրեն ոչ մի հարց չէին տվել. «Վանաձորից եմ, մենք մեր մարզադպրոցի կոլեկտիվով ենք եկել, մեզ ոչ ոք չի պարտադրել: Տիգրան Ավինյանի ընտրարշավում շատ հագեհարազատ բաներ կան: Մեր մարզադպրոցը Տարոն 4-րդի մարզադպրոցն է»:

Մյուս մասնակիցն էլ հավելում է. «Դաշտի գործերը թողել ենք, գյուղացիներով եկել: Մեզ լավ ցույց կտաս, հա, խառը-մառը բաներ ցույց չտաս»: Իսկ մի տղամարդ վստահեցնում է. «Ես Նիկոլի համար կյանքս էլ կուտամ»: