«Հարգելի արցախցիներ, դուք չեք պայքարում, դուք համակերպված ժամանակ եք ձգում»․ Արշակ Աբրահամյան

Վերլուծաբան, հասարակական-քաղաքական գործիչ Արշակ Աբրահամյանը ֆեյսբուքյան իր էջում գրել է. «Ներեցեք, բայց ես այս պահին ոչ ՀՀ-ում և ոչ էլ Արցախում չեմ տեսնում կատաղի պայքար Հակարիի կամրջին տեղադրված անցակետի ապամոնտաժման ուղղությամբ։
Հայաստանի մասին արդեն չեմ խոսում, որովհետև էլ ասելիք չկա այսքանից հետո…իսկ Արցախի մասով էլ կասեմ որ.
հարգելի արցախցիներ, դուք չեք պայքարում, դուք համակերպված ժամանակ եք ձգում։ Իսկ այդ մտածելակերպով ձեզ լավ օրեր չեն սպասվում։ Կողմնորոշվեք վերջապես՝ ինչ եք ուզում… որովհետև այս պահին հասարակության մեջ այսպիսի վիճակ է.
- ոչ ուզում եք զենքի ուժով բացեք միջանցքը
- ոչ ուզում եք կտրուկ քայլերի դիմեք
- ոչ ուզում եք մնաք
- ոչ ուզում եք հեռանաք
- հույսներդ դրել եք մի մասդ ռուսների վրա, մյուս մասդ էլ արևմուտքի ու միջազգային հանրության
- ոչ հելնում եք սոցիալական անարդարության և բարձր գների դեմ բողոքեք։ Ով ինչ գին ուզում կրակում է՝ դուք էլ սուս-փուս առնում եք
- ներքին կազմակերպվածությունը գտնվում է զրոյական մակարդակի վրա
- պետական վերահսկողությունը նույնպես խստորեն չի իրականացվում։
Գիտեմ ասածներս շատերիդ դուր չի գա, բայց իրականությունը սա է։
Մինչև ինքներդ ձեր համար որոշում չկայացնեք՝ այսպես թմբիրի մեջ գտնվելով ոչնչի չեք հասնելու և գնալով ձեր վիճակը էլ ավելի է վատթարանալու։ Կամ սթափվում եք և կատարում ձեր քայլերը, կամ էլ պատրաստ եղեք հետագա իրավիճակին և չբողոքեք թե ինչի այդպես եղավ»։