«Ասացինք՝ Պետրոս Ղազարյանին փոխեք, մասնակցենք բանավեճին»․ Հայկ Մարության

Երևանի քաղաքապետի թեկնածու Հայկ Մարությանը քվեարկությանը մասնակցելուց հետո պատասխանել է լրագրողների հարցերին։ Արձագանքելով Նիկոլ Փաշինյանի՝ իր հասցեին հնչեցրած արտահայտություններին, Մարությանն ասել է․ «Թիկունքից հարվածելը կլիներ այն, եթե այդ ժամանակահատվածում դուրս գայի թե պաշտոնից, թե կուսակցությունից ու հայտարարեի դրա մասին բոլորին։ Այնինչ, ներքին կարգով, միայն մեկ հոգու՝ Սուրեն Պապիկյանին ասել եմ, որ մեր ճանապարհները չեն կարող լինել իրար հետ»։ Հարցին՝ ինչո՞ւ չմասնակցեցիք Հանրայինի բանավեճին, նշել է․ «Մենք ասել ենք՝ եթե Պետրոսն է վարելու, չենք գալու, այսինքն՝ մեր մասնակցելու պայմանը հետևյալն էր՝ Պետրոս Ղազարյանին փոխեք, հաճույքով կմասնակցենք։ Ղազարյանն իշխանական պրոպագանդիստ է»։