Անդրանիկ Թևանյանը` կոալիցիա կազմելու մասին

«Շատերին հետաքրքրում է՝ ինչպիսի տարբերակներ են հնարավոր Երևանում: Մենք ունենք այս կամ այն ուժի հետ համագործակցելու կոնկրետ սկզբունքներ, որոնք երեքն են. առաջին, որ պետք է գնահատական տրվի Փաշինյանի վարած քաղաքականությանը, որևէ պարագայում հնարավոր չտեսնի ՔՊ-ի հետ համագործակցությունը և երրորդ, դա ամբողջական իշխանափոխության մեր ծրագիրը կիսելն է»,- այս մասին հրավիրված ասուլիսի ժամանակ հայտնել է «Մայր Հայաստան» դաշինքի քաղաքապետի թեկնածու Անդրանիկ Թևանյանը՝ հավելելով, որ այս առումով իրենք բաց ենք քննարկումների համար: Լրագրողի հարցին՝ արդյոք քննարկումներ ունեցե՞լ են «Հանրային ձայն» ու «Ազգային առաջընթաց» կուսակցությունների հետ՝ կոալիցիա կազմելու համար, ասել է. «Որպես այդպիսին՝ ուղղակի բանակցություններ չկան: Մենք տեսել ենք հանրային տեսակետներ, ու մեր մոտեցումը հետևյալն է՝ պատրաստ ենք քննարկել համագործակցության բոլոր ձևաչափերն այն պարագայում, երբ ուժը կիսում է ամբողջական իշխանափոխության մեր մոտեցումները: Այլ կերպ ասած՝ մենք կարող ենք օգնել, որպեսզի այսինչ մարդը դառնա քաղաքապետ, բայց օբյեկտիվ հանգամանքներ կան, որը պետք է ընդունել»: