«Բոլորս պետք է հավաքվենք Հրապարակում»․ Անդրանիկ Թևանյան

«Մայր Հայաստան» դաշինքի քաղաքապետի թեկնածու Անդրանիկ Թևանյանը ֆեյսբուքյան եթերում հանդես է եկել հայտարարությամբ։ «Մեր ձեռքերում է երկրի ապագան․ պետք է բոլորս ոտքի կանգնենք՝ անկախ տարաձայնություններից։ Արցախն օրերի կամ ժամերի խնդրի առաջ է կանգնած, եթե չկարողանանք պաշտպանենք, հաջորդը լինելու է Սյունիքը, հետո Սևանի տարածաշրջանը, Երևանը․․․ Մեր առաջարկը հետևյալն է՝ ժողովուրդը միասնաբար ոտքի է կանգնում․ պետք է իրականացնել համազգային գործադուլ և դասադուլ․ գործադուլը չի վերաբերում առաջնային նշանակության ոլորտներին։ Բոլորս պետք է հավաքվենք Հանրապետության Հրապարակում ու միասնաբար պարտադրենք Փաշինյանի հրաժարականը։ Քանի դեռ նա իշխանության է, ՀՀ-ն շանս չունի պաշտպանելու իր պետականությունը»,- ասել է նա։ Թևանյանը նշել է՝ նախնական որոշել են այսօր երեկոյան ժամը 19։00-ին մեծ հանրահավաք կազմակերպել Հրապարակում։