Ընդդիմությունն ստեղծում է Ազգային կոմիտե. ԱԺ-ում կմեկնարկի իմպիչմենտի գործընթաց

«Ուշ չի, ժողովուրդ, եթե ուշացնենք, Սյունիքին էլ ենք կորցնելու, Գեղարքունիքն էլ... Երբեք ուշ չի»,- այսօր Հանրապետության հրապարակում հայտարարեց ՀՅԴ ԳՄ անդամ Իշխան Սաղաթելյանը: Նա նշեց, որ բոլոր ընդդիմադիր քաղաքական ուժերի հետ հանդիպել են, քննարկել ստեղծված իրավիճակի ճանապարհային քարտեզը։

Որոշվել է ժողովրդական շարժումը, պայքարը գլխավորելու և առաջնորդելու համար ստեղծել մարմին, որը կկոչվի Ազգային կոմիտե։ «Ազգային կոմիտեն էլ պատասխանատվություն կկրի ամեն ինչի համար»,- ասաց նա:
Զուգահեռ խորհրդարանական ընդդիմությունը ԱԺ-ում իմպիչմենտ սկսելու գործընթաց կնախաձեռնի։

«Ծրագիրը, պատկերցումները փոխանցելու ենք նոր ստեղծվող Ազգային կոմիտեին, որը կարճ ժամանակ հետո ներկայացնելու է քայլերի ու գործողությունների ծրագիր», - հայտարարեց նա։