Կարմիր խաչը շարունակում է Արցախում փնտրել մարդկանց

1470

Շաբաթ, 21 հոկտեմբերի, 2023 թ., 20:54

Սեպտեմբերի 19-ի ռազմական գործողությունների սրացումից հետո անցել է մեկ ամիս․ մենք շարունակում ենք աշխատել տարածաշրջանում և արձագանքել առաջացած բազմաթիվ կարիքներին: Այս մասին հայտնում են Կարմիր խաչի միազգային կոմիտեի հայաստանյան գրասենյակից:

Մեր աշխատակիցները դեռ շրջում են քաղաքի կենտրոնական վայրերում և լեռնային գյուղերում՝ փնտրելով կյանքի նշաններ և բոլոր այն մարդկանց, որոնք օգնության կարիք ունեն:

Քիչ թվով մարդիկ շարունակում են մնալ իրենց տներում․ մի մասն՝ իրենց ընտրությամբ, մյուս մասն՝ ինքնուրույն հեռանալ չկարողանալու պատճառով:

Մենք տրամադրում ենք նրանց սնունդ և բժշկական օգնություն, նաև օգնում ենք կապ հաստատել հարազատների հետ կամ հնարավորություն ստեղծել Հայաստան տեղափոխվելու համար: