«Արևմուտքը չի փորձել ինձ համոզել` բանակցել Ռուսաստանի հետ». Զելենսկի

873

Շաբաթ, 04 նոյեմբերի, 2023 թ., 20:24

Ուկրաինայի նախագահ Վլադիմիր Զելենսկին Կիևում Եվրոհանձնաժողովի ղեկավար Ուրսուլա ֆոն դեր Լեյենի հետ համատեղ մամուլի ասուլիսում հայտարարել է, որ ճնշում չի զգում արևմտյան առաջնորդների կողմից՝ Ռուսաստանի հետ խաղաղ բանակցություններ սկսելու համար։
«Այսօր ոչ ոք ինձ վրա ճնշում չի գործադրում: Այսօր ԵՄ-ի կամ Միացյալ Նահանգների ղեկավարներից և ոչ մեկը մեզ վրա ճնշում չի գործադրում, որպեսզի նստենք Ռուսաստանի հետ և ինչ-որ բան տանք», - ասաց նա:
Զելենսկու խոսքով՝ նման բանակցություններ «չեն եղել և չեն լինելու»:

Ավելի վաղ NBC հեռուստաալիքը, վկայակոչելով պաշտոնյաներին, հայտնել էր, որ ԱՄՆ-ն և Եվրոպան Կիևի հետ քննարկում են Մոսկվայի հետ դիվանագիտական շփումների հնարավորությունը և այն, ինչ նա պետք է զոհաբերի՝ հանուն խաղաղության:
Լրատվամիջոցների հաղորդմամբ՝ ամերիկացի և եվրոպացի պաշտոնյաները մտահոգված են, որ հակամարտությունը, իրենց կարծիքով, փակուղի է մտել։ Նրանք նաև վստահ չեն, որ կարող են Կիևին հետագա օգնություն ցուցաբերել: