«Հայաստանը պատրաստ է գալ Բրյուսել, հասնել վերջնակետի և կնքել խաղաղության պայմանագիր». Արմեն Գրիգորյան

Հայաստանը պատրաստ է խաղաղության, բայց ցանկանում է, որ հրապարակայնորեն հաստատվի Հայաստանի 29.800 քառ. կմ և Ադրբեջանի 86.600 քառ. կմ տարածքը: Այս մասին Բրյուսելում «Հայաստանի ռազմավարական ապագան. Հայաստան-Եվրոպա» խորագրով համաժողովի ժամանակ հայտարարել է ՀՀ Անվտանգության խորհրդի քարտուղար Արմեն Գրիգորյանը:

Նա հավելել է, որ Հայաստանի դիրքորոշումը նաև այն է, որ հաղորդակցությունների ապաշրջափակումը տեղի ունենա 4 սկզբունքների հիման վրա՝ ինքնիշխանություն, իրավազորություն, փոխադարձություն և հավասարություն:

«Այս օրակարգով Հայաստանը պատրաստ է շարունակել բանակցությունները, գալ Բրյուսել, հասնել վերջնակետի և կնքել խաղաղության պայմանագիր»,- նշել է Գրիգորյանը: