«Արցախի բոլոր երեխաները նույն հարցն են տալիս՝ ինչո՞ւ են մեր կյանքում անընդհատ կորուստներ լինում». Մելանյա Բաղդասարյան

UNICEF Armenia-ն X-ի իր միկրոբոլոգում Արցախից տեղահանվածների մասին տեսանյութ է հրապարակել՝ կից գրառմամբ. «Հայաստանում հումանիտար իրավիճակի մասշտաբներն ու բարդությունը շարունակում են մնալ սուր:

Տեղահանվածները մարդասիրական օգնության կարիք ունեն՝ իրենց ամենահրատապ կարիքները բավարարելու համար»:

Տեսանյութում արցախցի Մելանյա Բաղդասարյանը նշում է, որ Արցախի բոլոր երեխաները նույն հարցն են տալիս. «Ինչո՞ւ պետք է մենք անընդհատ պատերազմի միջով անցնենք, ունենանք հայրիկի, կամ մայրիկի, կամ եղբոր, կամ էլ պապիկի կորուստ. հարցնում են՝ ինչո՞ւ են մեր կյանքում անընդհատ կորուստներ լինում»: