«Իսրայելի պաշտպանության բանակը Գազայի հատվածում գործողությունների լիակատար ազատություն կունենա»․ Նեթանյահու

Իսրայելի վարչապետ Բենիամին Նեթանյահուն հայտարարել է, որ Պաղեստինի ազգային վարչակազմը չի համապատասխանում Գազայի հատվածի կառավարմանը։ Նրա խոսքով՝ Մահմուդ Աբասը դեռ հրաժարվում է դատապարտել հոկտեմբերի 7-ին պաղեստինյան ՀԱՄԱՍ շարժման կողմից Իսրայելում իրականացված զանգվածային սպանությունները, այս մասին գրում է The Times of Israel-ը։

«Գազայում չի կարող ղեկավարել կառավարություն, որն աջակցում է ահաբեկչությանը, խրախուսում է ահաբեկչությունը, ֆինանսավորում է ահաբեկչությունը»,- ասել է նա: Վարչապետը նաև հայտնել է, որ պատերազմի ավարտից հետո Իսրայելի պաշտպանության բանակը Գազայի հատվածում գործողությունների լիակատար ազատություն կունենա։ Նրա խոսքով՝ դա միակ ճանապարհն է՝ ապահովելու անկլավի ամբողջական ապառազմականացումը։