«Լուծումը 3 բանաձևերի մեջ է». Վահրամ Մարտիրոսյան

Գործարար Վահրամ Մարտիրոսյանի ֆեյսբուքյան գրառումը. «Ինչպես երևում է դեպքերի զարգացումից, թշնամու դեմ կզելն էլ չի օգնում հա՞

Ինչպես կասեր մի նիկոլական՝ ալիևին տենում ես ոնց ենք թուլցնմ։
Գավառական շուստրիների առաջին խումբը, ովքեր մտածում էին, թե առանց ուժային բալանսի հնարավոր է յոլա գնալ, ժամանակ շահել, ատամները սեղմած սպասել՝ արդեն բաքվի բանտում են։ Այնտեղ անհամբեր շուստրիների հաջորդ խմբերին են սպասում։
Պետք է վաղուց պարզ լիներ 3 իրողությունները.
1. Մեզ ոչ ոք ժամանակ չի տալու
2. Մեր փոխարեն ոչ ոք մեզ չի պաշտպանելու
3. Ուժային բալանսի վերականգնումից բացի այլ լուծում ուղղակի գոյություն չունի
Իսկ լուծումը նույնպես 3 բանաձևերի մեջ է.
1. Պետական կառավարման որակի կտրուկ բարձրացում
2. Կանոնավոր բանակի թվաքանակի, կարգապահության և կառավարելիության զգալի բարելավում
3. Տեխնոլոգիական բեկում
Եվ առանց առաջինի հաջորդ երկու կետերը հնարավոր չի իրականացնել։ Երկիրը երկիր է դառնում կառուցելով, այլ ոչ թե կպցնելու մոլուցքով ու սրա նրա տակը մտնելու մղումներով»: