Շաբաթ, 18 մայիսի, 2024 թ.
|
Ստեփանակերտում`   +11 °C

«Ո՞րն է պետականը, ազգայինը». ՔՊ-ական պատգամավոր

«Ո՞րն է պետականը, ազգայինը». ՔՊ-ական պատգամավոր
154
Երկուշաբթի, 22 ապրիլի, 2024 թ., 18:36

ԱԺ ՔՊ խմբակցության պատգամավոր Վիլեն Գաբրիելյանը ֆեյսբուքյան իր էջում գրել է. «Մի հին ընկեր ունենք, որը Ոսկեպար-Կիրանց գծի ակտիվ աջակիցներից է։ Վերջերս ինձ մեղադրել է այն բանի մեջ (տեքստը, իհարկե, երկար էր և իմ բառերով կշարադրեմ), որ այս քաղաքական գծի շրջանակում՝ հաշվի առնելով բոլոր ֆակտորները թե' ներքին, թե' արտաքին, մենք ուղիղ ճանապարհով գնում ենք դեպի «Միութենական պետություն», և մեղադրել ու միաժամանակ հորդորել է ինձ բանավեճի մեջ չմտնել իր հետ ու որևէ հակափաստարկ չբերել, հավանաբար՝ դե ես մեկ է բան չեմ հասկանում տրամաբանությունից ելնելով: Կարճ ասած՝ ինքը ճիշտ է և վերջ:
Քանի որ, այս նույն տրամաբանության մեջ և վերջին իրադարձությունների ֆոնին հիմա էլ դարձել ենք ապազգային և ապապետական տարր, ամենայն անկեղծությամբ խնդրում եմ ինձ բացատրել՝ ըստ ձեզ, ձեր պատկերացումով, ձեր մտածելակերպով, ո՞րն է պետականը, ազգայինը, և ըստ այդմ ո՞րն է ապապետականը, ապազգայինը:
Կրկնեմ, ամենայն անկեղծությամբ ինձ հետաքրքիր է՝ ո՞վ ինչպես է հասկանում այս ձևակերպումներն, ո՞ւմ համար ինչ էն սրանք նշանակում, անկախ նրանից՝ անձամբ ինձ կհամարի ապապետական, ապազգային, թե՝ հակառակը, թե՝ սաղ իրար հետ միասին:
հ.գ. հորդորում եմ, եթե կարձագանքեք հարցիս և կարտահայտեք ձեր կարծիքը, անկախ նրանից՝ ինչպես եք վերաբերում այս կամ այն մարդուն, մեկնաբանություններում պահպանեք կոռեկտությունը:
Եղեք՝ զգոն, սառնասիրտ, հավասարակշիռ, ուժեղ, տոկուն:
Կանխավ շնորհակալ եմ
Հարգանքով՝
ՀՀ ԱԺ պաշտանության և անվտանգության հարցերի մշտական հանձնաժողովի անդամ»:

Աղբյուրը`   Վիլեն Գաբրիելյան