«Ալիևին կոչ ենք անում անհապաղ ազատ արձակել ապօրինի պահվող բոլոր հայերին». Լեմկինի ինստիտուտը ստորագրահավաք է սկսել

Ցեղասպանությունների կանխարգելման Լեմկինի ինստիտուտն Ադրբեջանի նախագահ Իլհամ Ալիևին կոչ է արել անպահաղ ազատ արձակել Բաքվում պահվող բոլոր հայերին։

«Նրանց ձերբակալությունը միջազգային իրավունքի կոպիտ խախտում է։ Ստորագրելով այս խնդրագիրը՝ դուք կարող եք քայլեր ձեռնարկել՝ Բաքվի կողմից պահվող արցախցիների, ինչպես նաև հայ ռազմագերիների և քաղաքացիական պատանդների իրավունքների վերականգնման ուղղությամբ»,- հայտնում է Լեմկինի ինստիտուտը՝ X-ի իր միկրոբլոգում։