«Մեր հասարակությունն այսօր ցեց ընկած է»․ Արամ Մանուկյան

«Ներքին՝ հանրային-հասարակական ձախողումները բերել են ազգային ինքնության խաթարման և այդ խաթարումն արտահայտվում է հասարակության տարաբաժանմամբ։ Մեր հասարակությունն այսօր ցեց ընկած հասարակություն է․ գաղափարի, խնդրի շուրջ կոնսոլիդացիա չի կատարվում»,- «Այսօր»-ի եթերում ասել է ՀԱԿ փոխնախագահ Արամ Մանուկյանը՝ խոսելով ազգային ինքնության բաղադրիչների, ստեղծված ճգնաժամի հետևանքների ու լուծումների մասին։ «Այդ տարաբաժանումը խրախուսվում է իշխանությունների կողմից, որն արտահայտվում է հասարկության տարբեր շերտերին իրար դեմ հանելով։ Որոնք են այդ շերտերը՝ իշխանություն-եկեղեցի։ Այս հակամարտությունը աննախադեպ է, լուրջ ծավալներ է ընդգրկում և շարունակական է։ Հաջորդը՝ հասարակություն-բանակ, մինչ այժմ բանակը մնում է պարտության հիմնական պատճառը։ Ճգնաժամը շարունակվում է մեր պատմության հետ, մենք լուրջ վեճի մեջ ենք մեր պատմության հետ, ինչն ինքնության հիմնական սկզբունքների դավաճանություն է։ Յուրաքանչյուր երկիր անհատապես իր հնարավորությունները, արժեքները վերցնելով, ընտրովի հավաքագրելով, կազմում է ծրագիր՝ ճգնաժամից դուրս գալու համար, իսկ առաջին քայլը ճգնաժամի ճանաչումն է»,- ասել է Մանուկյանը՝ որպես ազգային ինքնության կարևորագույն բաղադրիչներ նշելով նաև պետական խորհրդանիշները՝ զինանշան, դրոշ և օրհներգ։ «Փշաքաղվում ես՝ տեսնելով, թե ինչպիսի թեթևությամբ են էսօրվա ալենները փորձում էդ դրոշի, զինանշանի, օրհներգի վրայով անցնել, ոնց կարելի է չզգալ՝ ինչ է նշանակում սիմվոլը։ Դրանք այն սիմվոլներն են, որոնք մղում են ինքնազոհաբերության, դրանք արժեք են, որոնք պետք է պահպանվեն»,- նշել է Մանուկյանը։
Զրույցի մանրամասները՝ տեսանյութում: