«Զելենսկին՝ «ժամանակակից Չերչիլ», Կոբախիձեն՝ «ռուս օլիգարխի ստրուկ»»․ Սաակաշվիլի

Վրաստանի երրորդ նախագահ Միխայիլ Սաակաշվիլին Վրաստանի վարչապետ Իրակլի Կոբախիձեին «արարած» և «ռուս օլիգարխ Բիձինա Իվանիշվիլիի ստրուկ» է անվանել, «Վրացական երազանք» կուսակցության անդամներին՝ «ռուսական շնիկներ», իսկ Ուկրաինայի նախագահ Վլադիմիր Զելենսկիին՝ «ժամանակակից Չերչիլ», որն «ընդմիշտ կոտրեց Ռուսաստանի անպարտելիության առասպելը»։
Այսպես Սաակաշվիլին արձագանքել է Կոբախիձեի այն մեկնաբանությանը, թե «Սաակաշվիլիի թիմն է մեղավոր 2008-ին ՌԴ-ի հետ պատերազմի համար»։
«Իրեն Վրաստանի վարչապետ հռչակած արարածը հերթական անգամ հարձակվել է Զելենսկիի վրա։ Կարծում եմ՝ Թբիլիսիում գործող ռուսական շնիկների ագրեսիայի ներկայիս սրումը բոլորովին պատահական չէ։ Այն տեղի է ունենում Կուրսկի օպերացիայի ֆենոմենալ հաջողության ֆոնին, որը ոչ միայն շոկի մեջ գցեց Պուտինին, այլև մահու չափ վախեցրեց Իվանիշվիլիին։ Ո՞վ է Վլադիմիր Զելենսկին, իսկ ո՞վ է ոմն Իրակլի Կոբախիձեն։ Զելենսկին մեր ժամանակների Չերչիլն է, որն ընդմիշտ կոտրեց Ռուսաստանի անպարտելիության առասպելը։ Կոբախիձեն իր երկրին մեղադրում է պատերազմ հրահրելու մեջ և ուզում է ինձ դատել ագրեսորին դիմադրություն ցույց տալու համար։ Նա ռուս օլիգարխի սովորական ստրուկն է, մինչդեռ Զելենսկին ուկրաինական քաղաքականության մեջ ցանկացած ստվերային և արտաքին ազդեցություն զրոյի հասցրեց։ Զելենսկին անմահացավ պատմության մեջ, իսկ Լուսնի վրա հաչացող այդ վրացի շնիկներին ոչ ոք չի հիշի։ Վրաստանի ժողովուրդը նրանց կհեռացնի աշնանը, որքան էլ Իվանիշվիլին և նրա տերերը փորձեն գողանալ ընտրությունները»,- գրել է Սաակաշվիլին սոցցանցի իր էջում։

«Օրվա իշխանությունը մահը սարքում է վիճակագրություն, որպեսզի խուսափի պատասխանատվությունից»․ Արեգնազ Մանուկյան
3513:18
Նիկոլ Փաշինյանն ուղերձով դիմելու է ժողովրդին
6313:12
«Նարեկ Կարապետյանի աշխատավարձի չափը գիտեք, բայց տնտեսական թվերը չգիտեք». Մեսրոպ Մանուկյան (տեսանյութ)
5313:00
«Առավելագույն ջանքերը գործադրում ենք, որ ՀՀ-ՌԴ հարաբերությունները շարունակեն մնալ ամենաբարձր մակարդակի վրա»․ Գևորգ Պապոյան (տեսանյութ)
4912:54
«Քիչ առաջ լսեցինք հաղորդում հանցագործության մասին»․ Վահագն Ալեքսանյան (տեսանյութ)
6112:48
«TRIPP նախագծի տեխնիկական պարամետրերը պետք է համաձայնեցվեն Ադրբեջանի հետ»․ Բայրամով
9812:37
«Ժողովուրդը պետք է իմանա՝ ի՞նչ չափի թալան եք իրականացրել»․ Էդգար Ղազարյան (տեսանյութ)
7012:30
«ԱԺ ամբիոնից մեր ժողովուրդը լսելու է բացասական կարծիք»․ Նարեկ Կարապետյան (տեսանյութ)
6612:12