Լուկաշենկոն շնորհավորել է Գարեգին Բ-ին

Բելառուսի նախագահ Ալեքսանդր Լուկաշենկոն շնորհավորել է Ամենայն Հայոց Կաթողիկոս Գարեգին Բ-ին՝ ծննդյան օրվա առթիվ։

«Ավանդական քրիստոնեական արժեքների պաշտպանությանն ուղղված ձեր աշխատանքն ու գործունեությունը միավորում են մարդկանց՝ ամրացնելով նրանց սրտերում Հայրենիքի հանդեպ սերը։ Դուք արժանի հեղինակություն եք ձեռք բերել եկեղեցական, քաղաքական և հասարակական շրջանակներում ոչ միայն Հայաստանում, այլև արտերկրում»,- ասված է շնորհավորանքում։

Լուկաշենկոն նաև նշել է, որ Գարեգին Բ-ի՝ ճշմարտությունը պաշտպանելու և բարոյական հիմքերը պահպանելու մղումը նպաստում է ազգային միասնության և ներդաշնակության պահպանմանն ու հայ-բելառուսական երկխոսության համակողմանի զարգացմանը։

Լուկաշենկոն Ամենայն Հայոց Կաթողիկոսին մաղթել է քաջ առողջություն և Աստծո օգնությունը՝ ի բարօրություն հայ ժողովրդի նրա բարձր ծառայության մեջ։