«ԱՄՆ-ն թույլ չի տալիս Ուկրաինային ամերիկյան զենքն օգտագործել ՌԴ տարածքում»․ Ռայդեր

ԱՄՆ-ն չի չեղարկի ամերիկյան զենքի օգտագործման սահմանափակումները՝ կապված ՌԴ տարածքին հարվածելու հետ։ Այս մասին հայտարարել է Փենթագոնի պաշտոնական ներկայացուցիչ, ԱՄՆ ռազմաօդային ուժերի գեներալ-մայոր Փեթ Ռայդերը։

Նա նշել է, որ այդ առումով ԱՄՆ դիրքորոշումը չի փոխվել։

«Ուկրաինացիները կարող են ամերիկյան օգնությունն օգտագործել դրսից եկող հարձակումներից ինքնապաշտպանվելու համար։ Այլ կերպ ասած՝ պատասխան կրակ վարել։ Բայց ինչ վերաբերում է դեպի ՌԴ տարածքի խորքը հեռահար հարվածներին, մեր քաղաքականությունը չի փոխվել»,- ասել է Ռայդերը։