«Կրեմլում մտահոգված չեն, որ Մոնղոլիան միացել է Հռոմի ստատուտին»․ Պեսկով

Կրեմլում մտահոգված չեն, որ Մոնղոլիան միացել է Հռոմի ստատուտին։ Այս մասին հայտարարել է ՌԴ նախագահ Վլադիմիր Պուտինի խոսնակ Դմիտրի Պեսկովը՝ մեկնաբանելով Պուտինի՝ Ուլան Բատոր կատարելիք այցը։

Լրագրողների այն հարցին, թե արդյոք Կրեմլում անհանգստություն չկա Մոնղոլիայի կողմից ՄՔԴ-ի իրավասությունը ճանաչելու կապակցությամբ, Պեսկովը պատասխանել է՝ «Ոչ, մտահոգություն չկա»։

«Մենք հիանալի երկխոսություն ունենք Մոնղոլիայի մեր ընկերների հետ։ Այցի բոլոր ասպեկտները մանրակրկիտ նախապատրաստվել են»,-ասել է Պեսկովը։