«Արցախը կկորցնենք այն պահին, երբ նա հայաթափվի մեր հոգում և սրտում». Արմեն Աշոտյան

ՀՀԿ փոխնախագահ Արմեն Աշոտյանը դատական նիստից հետո բլից պատասխաններ է տվել լրագրողների հարցերին: «Արցախը կա՝ անկախ նրանից, որ այնտեղ այս պահին հայեր չեն ապրում, և Արցախը հայաթափել են միայն ֆիզիկական իմաստով. Արցախը կկորցնենք այն պահին, երբ Արցախը հայաթափվի մեր հոգում, սրտում, երբ մոռանանք Արցախի մասին»,- ասել է նա: Հարցին՝ օրվա ընթացքում իշխանությունները տարօրինակ լռություն էին պահում, ինչո՞վ եք պայմանավորում, նշել է. «Չեմ կարծում՝ տարօրինակ լռություն էին պահպանում, նրանք ամեն ինչ անում են, որպեսզի քողարկեն իրենց դավաճանական քաղաքականությունը»: