«Ափսոս, որ չենք կարող դա անել». Զելենսկին` Կրեմլին հարվածելու մասին

Ուկրաինայի նախագահ Վլադիմիր Զելենսկին ափսոսանք է հայտնել, որ Կրեմլին հարվածելն անհնար է, փոխանցում են ուկրաինական լրատվամիջոցները։ «Եթե դաշնակիցները թույլ տան արևմտյան զինատեսակներով հարվածել Ռուսաստանի խորքը, չենք կարողանա հարվածել Կրեմլին․ հրթիռների գործողության շառավիղը դա թույլ չի տա»։ Նա նշել է, որ ՌԴ նախագահ Վլադիմիր Պուտինն աշխարհով մեկ հրթիռներ է փնտրում, «որպեսզի կարողանա շարունակել սպանել ուկրաինացի երեխաներին», մինչդեռ Ուկրաինան փորձում է հակաօդային պաշտպանության համակարգեր գտնել՝ իրեն պաշտպանելու համար։

Զելենսկին, մասնավորապես, նշել է, որ Ուկրաինան մշակել է սեփական անօդաչու թռչող սարքերն ու հրթիռները, և «աստիճանաբար պատերազմը տեղափոխում է Ռուսաստան, որպեսզի Պուտինն, ի վերջո, զգա ճնշումը»։ «Ճնշում՝ փնտրելով միայն մեկ բան՝ խաղաղություն»,- հավելել է նա։