«Կուրսկի շրջանում Ուկրաինայի ԶՈՒ հարձակումը բացահայտեց ռուսական բանակի խոցելիությունը»․ ԱՄՆ-ի և Մեծ Բրիտանիայի հետախուզության ղեկավարներ

Մեծ Բրիտանիայի և ԱՄՆ-ի արտաքին հետախուզական ծառայությունների ղեկավարներ Ռիչարդ Մուրն ու Ուիլյամ Բըրնսը համատեղ հոդված են հրապարակել Financial Times-ում։ Նրանք հայտնել են, որ երկու գերատեսչությունները միասնաբար հանդես են գալիս Պուտինի ագրեսիվ պատերազմի դեմ:

«Պուտինին չի հաջողվի ոչնչացնել Ուկրաինայի ինքնիշխանությունն ու անկախությունը»,- նշել են նրանք՝ հավելելով, որ իրենց գերատեսչությունները կշարունակեն աջակցել ուկրաինական հետախուզությանը։

Հոդվածի հեղինակները նաև «զգալի ձեռքբերում» են անվանել Կուրսկի շրջանում Ուկրաինայի ԶՈՒ հարձակումը։

«Այն բացահայտեց ռուսական բանակի խոցելիությունը․․․ Արևմուտքը պետք է հասկանա էսկալացիայի վտանգը, բայց չվախենա ռուսական սպառնալիքից»,- նշել են նրանք։