«Մի կառավարություն, որ տրիկոն հագնի ու հեծանիվ քշի, էդ ի՞նչ կառավարություն»․ Նարինե Ոսկանյան

«Ես մտածում եմ, որ մենք չունենք նորմալ կառավարություն, որ կարողանա էս պետությունը կառավարի։ Մեր ղեկավարությունը զրո է»,- «ԱրմԼուր»-ի հետ զրույցում ասել է դերասանուհի Նարինե Ոսկանյանը («Պաուզա Անո»)։ Անդրադառնալով վարչապետ Նիկոլ Փաշինյանի հեծանիվ վարելուն, նշել է, որ «մի կառավարություն, որ տրիկոն հագնի հեծանիվ քշի, էտի ի՞նչ կառավարություն»։ Նա ասել է, որ կողմ է եղել 2018-ի հեղափոխությանը, բայց հիմա փոշմանում է․ «Ես էլ եմ գոռացել Նիկոլ, ես էլ եմ ընտրել Նիկոլին, բայց ինքը չարդարացրեց մեր ընտրությունը։ Ես հիմա փոշմանում եմ, որ իրեն ընտրել եմ»։