«Միայն «խիստ մտահոգություն», Շուռա»․ Ստյոպա Սաֆարյան

Քաղաքագետ Ստյոպա Սաֆարյանի ֆեյսբուքյան գրառումը․ «Սիրիան «փրկած», «փրկող», Սիրիային ու Ասադին երաշխավոր կանգնած պուտինյան Ռուսաստանի ԱԳ նախարար Սերգեյ Լավրովը և Իրանի արտգործնախարար Աբբաս Արաղչին ընդգծել են «Սիրիայում իրավիճակի կայունացմանն ուղղված ջանքերի ակտիվացման անհրաժեշտությունը», և «Զրույցի ընթացքում կողմերը խիստ մտահոգություն են հայտնել Սիրիայում իրավիճակի սրման կապակցությամբ՝ պայմանավորված Հալեպ և Իդլիբ նահանգներում զինված խմբավորումների ահաբեկչական հարձակման հետ: Վերահաստատվել է ամուր աջակցությունը Սիրիայի Արաբական Հանրապետության ինքնիշխանությանը և տարածքային ամբողջականությանը»։
Միայն «խիստ մտահոգություն», Շուռա․․․
Այն ամենը, ինչ պետք է իմանալ դաշնակցային հարաբերություններում Ռուսաստանի բարոյականության ու փաստաթղթերի տակ Ռուսաստանի դրած ստորագրության արժեքի մասին։ Բիսմարկը ճիշտ է ասել՝ այդ ստորագրությունն անգամ թղթի արժեքը չունի․․․»։