«ՀՀ իշխանությունները, Արցախի հարցը համարելով փակված, չեն սպասարկում հայկական շահը». Տիգրան Աբրահամյան

«Միջազգային դերակատարները, որոնք ունեին և՛ միջնորդական և՛ անձնական ներգրավվածության մակարդակ, իրենց հնարավորությունների շրջանակներում ամբողջությամբ չեն գործել, որի հետևանքն արտահատվել է ինչպես ադրբեջանական ագրեսիայի, այնպես էլ Արցախի ամբողջական օկուպացիայի միջոցով»,- Արցախի ԱԺ-ի կողմից հրավիրված փակ նիստից հետո լրագրողների հետ զրույցում ասաց ՀՀ ԱԺ «Պատիվ ունեմ» խմբակցության պատգամավոր Տիգրան Աբրահամյանը։ «Այսօր միջազգային կենտրոնների համար Արցախի հարցը փակված չէ։ Նրանք խոսում են նաև արցախցիների իրավունքների ամբողջական վերականգնման մասին»,- հավելեց Աբրահամյանը։ Նրա խոսքով՝ այսօրվա իշխանությունները, Արցախի հարցը համարելով փակված, հավաքական առումով չեն սպասարկում հայկական շահը, քանի որ Արցախյան հարցը անվտանգության տեսանկյունից մշտապես եղել է որպես զրահաբաճկոն։