Մոզամբիկում փոթորկի զոհերի թիվը հասել է 94-ի

152

Այսօր, 10:13

Մոզամբիկում «Շիդո» հզոր փոթորկի զոհերի թիվը հասել է 94-ի։ Այս մասին հայտնում է Արտակարգ իրավիճակների կառավարման ազգային գործակալությունը, գրում է DW-ն։

Մեկ շաբաթ առաջ երկիրը պատուհասած փոթորիկը զգալի վնաս է հասցրել հատկապես Կաբո Դելգադո նահանգում։

Նշվում է, որ մինչև 260 կմ/ժ արագությամբ քամու պոռթկումներով և օրական 250 մմ ռեկորդային տեղումներով ցիկլոնը 620 հազար մարդու համար աղետի պատճառ է դարձել։ Ամենաշատը տուժել են հյուսիսային Կաբո Դելգադո նահանգի ավելի քան 500 հազար բնակիչները։

Փորձագետները ցիկլոնի ուժգնությունը կապում են կլիմայի փոփոխության հետ։