«Փաշինյանն իր ճաշակով որոշել է, որ օրհներգի տողերի տեղը պիտի փոխվի»․ Գեղամ Մանուկյան

ԱԺ պետական-իրավական մշտական հանձնաժողովը հավանություն տվեց «ՀՀ օրհներգի մասին» օրենքում փոփոխություններ և լրացումներ կատարելու մասին նախագծին, համապատասխան որի փոփոխություն է կատարվում ՀՀ օրհներգի տեքստի մեջ՝ այն վերադասավորելով այնպես, որ ավարտվի հետևալ քառատնով՝

«Նայիր նրան՝ երեք գույնով
Նվիրական մեկ նշան,
Թող փողփողի թշնամու դեմ,
Թող միշտ պանծա Հայաստան»։

Նախագիծը բուռն քննարկվեց հանձնաժողովում, ընդդիմադիր պատգամավոր Գեղամ Մանուկյանն իր խոսքում նշեց․ «2006 թվականին եղել եմ խորհրդարանի պատգամավոր, այդ ժամանակ կառավարությունը փորձեր անում փոխել օրհներգը՝ բերելով Արամ Խաչատրյանի՝ Խորհրդային Հայաստանի օրհներգը: Երկար քաղաքական պայքար եղավ խորհրդարանում, ՀՅԴ խմբակցությունով հաջողեցինք տապալել կառավարության այդ նախաձեռնությունը: Ասում եք, որ ՀՀ կառավարության որոշմամբ օրհներգն օրենքով նախատեսված դեպքերում կարող է օգտագործվել նաև կրճատ տարբերակով։ Որտե՞ղ է երաշխավորությունը, որ կառավարությունը գրեթե բոլոր արարողակարգերի համար չի հաստատի մեկ քառատողով օրհներգի կատարումը։ ․․․Դրա համար կա՞ նախատեսված պատասխանատվություն»,- ասաց Մանուկյանը:
Արձագանքելով՝ Սիսակ Գաբրիելյանը նշեց, որ օրենքում նշված է, որ այն ենթադրում է որոշակի պատասխանատվություն:
«Նշում եք, որ օրհներգը կարճ տարբերակով որոշ միջոցառումների ժամանակ հնչել ու հավանության է արժանացել հանրության կողմից։ Ես հասկանում եմ՝ քանի որ կառավարությունը չուներ պաշտոնական ձայնագրություն, ճաշակին համապատասխան Նիկոլ Փաշինյանը որոշել է, որ պետք է օրհներգի տողերի տեղերը փոխեն, կամ Ալեն Սիմոնյանը, մի հատ փոքր երգչախումբ են գտել, տանում են էլ Քննչական կոմիտե, ԱԱԾ, Ազգային ժողով, ևխախտելով Հայաստանի Հանրապետության օրենքը, արդեն փոխված հերթականությամբ վերջին ամիսներին հնչեցնում են և հպարտանում են, որ իրենք վարչական իրավախախտում են արել, բայց դե գիտեք, Հայաստանում դա արդեն սովորական է»,- շարունակեց Գեղամ Մանուկյանը։
Քննարկման մանրամասները՝ տեսանյութում։