«Լավ ապրելու` Նիկոլ Փաշինյանի գռեհիկ բանաձևը». Ոսկան Սարգսյան

Լրագրող Ոսկան Սարգսյանի գրառումը. «Նիկոլ Փաշինյանը Ֆեյսբուքում գրել է․ «Լավ ապրել նշանակում է շատ աշխատել, շատ վաստակել, շատ ծախսել։ Լավ ապրելու ուրիշ տարբերակ չկա»։ Ո՞վ է ասել, որ լավ ապրելու ուրիշ տարբերակ չկա։ Նիկոլ Փաշինյանն ամեն անգամ մի վիճելի միտք է դուրս բերում գլխից ու հանրությանը ներկայացնում՝ որպես փիլիսոփական հայտնագործություն։ Լավ ապրելը ամեն մարդ յուրովի է հասկանում, այն շատ աշխատել, շատ վաստակել ու շատ ծախսելու մեջ պարփակելը շատ գռեհիկ, մատերալիստական է: Լավ ապրելու՝ Նիկոլ Փաշինյանի բանաձևի մեջ տեղ չկա մարդու բարության, ազնվության, արժանապատվության, հոգու անդորրի և այլ լավ բաների մասին»: