«Իրանի համար փոխվստահության երաշխիք է դիտվում իրենց հետ ռազմավարական գործընկերության համաձայնագիր ունենալը»․ Հակոբ Բադալյան

Քաղաքագետ Հակոբ Բադալյանի թելեգրամյան գրառումը․ «Նյու Յորքում կայացող ՄԱԿ ԳԱ շրջանակում տեղի է ունեցել Հայաստանի վարչապետի հանդիպումը Իրանի նախագահ Փեզեշքիանի հետ։ Հաղորդագրությունը, մեղմ ասած, բավականին համեստ ու սառն է, ինչը, թերեւս, վկայում է երկկողմ հարաբերության մեջ առկա այն հանգամանքները եւ խնդիրները, որոնց մասին նախօրեին ակնարկել էր Հայաստանում Իրանի դեսպանը՝ երեւանյան քննարկման ժամանակ։ Դրան անդրադարձել էի Օրվա թեմայի երեկվա թողարկմանը։
Նկատեմ նաեւ, որ Շանհայի գործակցության կազմակերպության բիշքեկյան գագաթնաժողովի շրջանակում Նիկոլ Փաշինյանը չհանդիպեց Իրանի նախագահին, ինչը, իհարկե, երկու հարեւան երկրների համար, թերեւս, ուշադրության արժանի դետալ է։ Այդ ֆոնին հետաքրքիր է, Նյու Յորքում հանդիպումը իրանյան կողմի՞ նախաձեռնությունն է, թե՞ Երեւանն է Բիշքեկից հետո ստացել Թեհրանի դժգոհության մասին ազդակներ եւ փորձել է մեղմել վերաբերմունքը՝ հանդիպում կազմակերպելով։
Բացառելի չէ եւ այն, որ Իրանի նախագահի հետ հանդիպումը նախաձեռնվել է, որպեսզի առավել աղաղակող չլինի դիսբալանսը՝ Էրդողանի հետ հանդիպման դեպքում։ Եթե Նյու Յորքում Փաշինյանը հանդիպեր Էրդողանի հետ, իսկ Իրանի նախագահի հետ՝ ոչ, ապա կստացվեր բավականին նկատելի դիսբալանս, քանի որ Երեւանը փաստորեն այդպիսով երկու խոշոր միջազգային առիթ բաց թողած կլիներ Իրանի հետ բարձր մակարդակի քննարկման համար։
Իսկ «ինդիկատորը», հայ–իրանական հարաբերության պարագայում, իրանյան կողմը, թերեւս, հստակ է ցուցել՝ ռազմավարական գործակցության համաձայնագրի ստորագրում, այնպես, ինչպես ստորագրել են մի շարք այլ երկրների հետ՝ գլխավորապես արտատարածաշրջանային, որոնց մի զգալի մասն Իրանի համար էքզիստենցիալ մարտահրավերի կրող են։ Եվ այդ պարագայում Թեհրանի այդ սահմանած դե ֆակտո չափանիշը հասկանալի է․ նվազագույն փոխվստահության երաշխիք է դիտվում նաեւ իրենց հետ ռազմավարական գործընկերության համաձայնագիր ունենալը»։

«Մտածել նշանակում է չանել այն, ինչ քեզ ու քո Երկիրը տանում է ինքնաոչնչացման»․ Սենոր Հասրաթյան
3122:12
«Համախմբված ընդդիմության ներկայացուցիչները հանդիպել են երիտասարդների հետ»․ «Ուժեղ Հայաստան» (տեսանյութ)
5121:54
«44-օրյա պատերազմը ոչ միայն «տարօրինակ» էր, այլև բերովի էր և սարքովի»․ Արմեն Աշոտյան
5121:42
«ՔՊ-ականները չգիտեն՝ Երևանի քաղաքապետին պաշտպանե՞ն, թե՞ ընդդիմախոս տիկնոջը»․ Տիգրան Դավուդյան
5521:30
«Հարավկովկասյան երկաթուղու» կոնցեսիոն կառավարման հարցով առաջին հանդիպումն է կայացել
6121:18
«ԱՄՆ-ն հարվածել է Իրանի հարավում գտնվող Քեշմ կղզուն». #IRNA
11320:49
Փաշինյանի պահանջով արգելանք է դրվել թերթի դրամական հաշիվների վրա
6820:24
«Հայաստանը հետևողականորեն վերածվում է դասական բռնապետության»․ Լիլիթ Բլեյան
8119:48