«Հետաքրքիր է, որ ձերբակալվել են խուլիգանություն կատարողները, ոչ թե այդ մասին հայտնողը»․ Սևակ Հակոբյան

Լրագրող, խմբագիր Սևակ Հակոբյանի թելեգրամյան գրառումը. «Օտարերկրացիները սեղմել են մետրոյի գնացքի արգելակման կոճակը, հետո 4-5 հոգի անցել է պատն ու ներկել գնացքը։ Հետաքրքիր է, որ ձերբակալվել են խուլիգանություն կատարողները, ոչ թե Երևանի մետրոպոլիտենի տնօրեն Բաբկեն Սեդրակյանը, որն այդ մասին հայտնել է։

Օրերս ադրբեջանական ծագմամբ մի քանի իրանցիներ էլ Հանրապետության հրապարակում էին խուլիգանություն արել, բայց ձերբակալվեց այդ մասին հայտնած Ղարիբ Բաբայանը։

Տրամաբանությունը որտե՞ղ է։ Վագոնը ներկողները գույքային վնաս են պատճառել․ իսկ մեր երկրի մայրաքաղաքի ամենակենտրոնում Արցախի մասին ադրբեջաներենով երգողները ոչ մի բան չէին վիրավորե՞լ»։