«Հերիք ա մեզ սովորեցնեք․ կարո՞ղ ա կաթողիկոսի պարտականություններն էլ վերցնեք ձեզ վրա»․ Գառնիկ Դանիելյանը՝ Նիկոլ Փաշինյանին

«Ոչ մի խոստում չեք կատարել այս 7 տարիների ընթացքում, արհավիրք եք բերել մեր ժողովրդի գլխին, հետո գնացել եք ընտրությունների մի ծրագրով, որ Շուշի ու Հադրութ պիտի դեօկուպացնեք․․․ Արցախն այս պահին գոյություն չունի, քիչ չի, դուք էլ այստեղից հայտարարում եք, որ Արցախի հարց չկա։ Մարդիկ հազարամյակներով ապրել են այնտեղ, դուք ասում եք՝ չկա։ Հիմա նորից ընտրություն կլինի, կգնաք կմանիպուլացնեք մարդկանց, կասեք՝ իրական Հայաստանից ենք խոսում, բայց էլի ճիշտ չեք, կխաբեք»,- ԱԺ-կառավարություն հարցուպատասխանի ժամանակ դիմելով Նիկոլ Փաշինյանին՝ ասաց «Հայաստան» խմբակցության պատգամավոր Գառնիկ Դանիելյանը։
«Եվ հերիք ա մեզ սովորեցնեք՝ ինչ ուտել, ինչ հագնել, ինչ քշել, ինչ սովորել, հոգնել արդեն ենք դրանից․․․ Արդեն հասել եք նրան, որ կարո՞ղ ա մի երկու նիստ հետո կաթողիկոսի պարտականություններն էլ վերցնեք ձեզ վրա»,- ասաց ընդդիմադիր պատգամավորը։