«Երևանը ո՛չ նորմալ կանաչապատ այգի ունի, ո՛չ գեղեցիկ տեսարան»․ Սամվել Հայրապետյան

Ծրագրավորող Սամվել Հայրապետյանի ֆեյսբուքյան գրառումը. «Էս վերջերս ամեն օր անշարժ գույքի գործակալների գովազդներ եմ տեսնում, որտեղ գովազդում են ինչ-որ բարձրահարկ «էլիտար» շենքի «էլիտար» բնակարան, հասնում են բաց կամ փակ պատշգամբին ու ասում՝ դե իսկ այստեղից բացվում է գեղեցիկ տեսարան դեպի...
Ու էդ դեպի բառի վրա կմկմում են որտովհետև նիֆիգա ոչ մի գեղեցիկ տեսարան էլ չկա՝ քաղաքը ոչ նորմալ կանաչապատ այգի ունի, ոչ էլ «բոլի-մենի» ավարտված ու բնակեցված թաղամասեր, ամենուր կիսակառույց շենքեր, փոշի, խառը գույներով խառը ճարտարապետական կիսալուծումներ, բարձր ու ցածր շենքերի ֆոնին սեփական տների բազմագույն խայտաբղետ տանիքները ու մի քանի մետր խորությամբ փորված շենքերի ֆունդամենտներ որոնք տարիներ շարունակ տենց էլ փոս + արմատուրա են մնում
Կարճ ասած՝ եթե այդ շենքից չի երևում Մասիս սարը, ապա գործակալը ինչ ասես, որ չի հորինի՝ դեպի... Հեռուստաաշտարակ, դեպի Թումանյանի շաուրմա, դեպի Լունապարկի կառուսել...»։