«Վարորդական իրավունքի վկայականների գինը դարձել է 400-500 հազար դրամ»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Վարորդական իրավունքի վկայականների գինը դարձել է 400-500 հազար դրամ

Նիկոլ Փաշինյանը ճանապարհատրանսպորտային պատահարների, վթարների մեծաթիվ զոհերը պատճառաբանում է այն բանով, որ վարորդական իրավունքի վկայանների բացարձակ մեծամասնությունը նախկինում փողով են գնվել, վարորդները չգիտեն ճանապարհային երթևեկության կանոնները։ Վարչապետի թիկնազորի վարորդները հո գիտեն այդ կաննոները, սակայն հետիոտնի անցումում հղի կնոջը մահացու վրաերթի ենթարկեցին։ Համացանցում կադրեր կան, որ կառավարության աշխատակազմի ծառայողական ավտոմեքենան կարմիր լույսի տակ, հանդիպակած գծով հատում է հետիոտնի անցումը՝ վտանգի ենթարկելով հետիոտներին։ Այդ ավտոմեքենայի վարորդը չգիտի՞, որ նման բաներն անօրինական են։ Պարզապես Հայաստանում եղել են ու կան իրենց արտոնյալ զգացողներ, հաբռգածներ, որոնք թքած ունեն օրենքի ու ուրիշների կյանքի վրա։ Վարորդական իրավունքի վկայականների «գինը» նախկինում եղել է 100-120 հազար դրամ։ Քանի որ հիմա գրեթե բոլոր պաշտոնյաներին գաղտնալսում են, բռնվելու վտանգ կա, վարորդական իրավունքի վկայականների գինը դարձել է 400-500 հազար դրամ։ Բացեք «Դատալեքս» համակարգը, տեսեք, որ նման վկայականներ ծախողների դատեր կան։ Նիկոլ Փաշինյանը նման թեմաներ հանրայնացնելով՝ մնում է լրատվական թեմաներ առաջադրողը, նա դրանով ուշադրություն է շեղում Ադրբեջանին արվող զիջումներից, սահմաններին հնչող կրակոցներից, Հայաստանում տիրող մեծ կոռուպցիայից, իրավական բեսպրեդելից»։