«Պետությանը միլիոնավոր դոլարների վնաս հասցրած Էմին Եղիազարյանին՝ մարզպետի շնորհակալագիր»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Պետությանը միլիոնավոր դոլարների վնաս պատճառողին՝ մարզպետի շնորհակալագիր․
2020թվականից սկսած Իջևանի գինու, կոնյակի գործարանը այդ գործարանի դիմացի հատվածում Աղստև գետի հունն ավերել է, այնտեղ անօրինական մեծ, երկար պատ կառուցել, գետի հունը փոխել, որի հետևանքով Իջանի դենդրոպարկի ջրառը գետից ինքնահոս կերպով ոռոգման ջուր չի ստացել, դենդրոպարկի հազվագյուտ, արժեքավոր ծառերի և տնկիների մի զգալի մասը չորացել է, դենդրոպարկին, պետությանը, բնությանը պատճառվել է միլիոնավոր դոլարների վնաս; Հարուցված քրեական գործով Իջևանի գինու, կոնյակի գործարանի տնօրենին կամ որևէ մեկին մեղադրանք չի առաջադրվել, թեև գործը քննվում է 2021թ․ հոկտեմբերից։ Գործն այժմ քննվում է հակակոռուպցիոն կոմիտեում։ 2023թվականի վերջին, տարեմուտին Տավուշի մարզպետարանում Տավուշի մարզպետ Հայկ Ղալումյանը «Իջևանի գինու․ կոնյակի գործարան» ՓԲԸ տնօրենների խորհրդի նախագահ Էմին Եղիազարյանին շնորհակալագիր է հանձնել մարզում իրականացրած մեծավալ ներդրումների, խաղաղագոոծության զարգացման, գյուղացիական տնտեսություններին ցուցաբերած աջակցության համար։ Մարզպետն այդ շնորհակալագրում կարող էր ավելացնել՝ «Իջևանի դենդրոպարկի հազվագյուտ, արժեքավոր բուսականությանը պատճառված միլիոնավոր դոլարների վնասի համար»»: