«Ունենք շատ փողոցներ, որտեղ կայանատեղիները պետք է դուրս գան». Տիգրան Ավինյան

Երևանի քաղաքապետ Տիգրան Ավինյանը հանձնարարություն է տվել պատասխանատուներին լուծել մայրաքաղաքում ապօրինի ավտոկայանատեղիների խնդիրը։ Ավինյանի խոսքով՝ Երևանում կայանումն ամենամեծ խնդիրներից մեկն է, սակայն դա չի նշանակում, որ հատկապես քաղաքի կենտրոնում ամենուր պետք է հասանելի լինի կայանատեղի։ «Ունենք շատ փողոցներ, որտեղ առհասարակ կայանատեղիները փողոցների վրայից պետք է դուրս գան, որ չխոչընդոտեն երթրևեկությանը»,- հայտարարեց նա՝ հավելելով, որ կան լուծումներ, որոնք պետք է արագ քննարկել: