«Զատկի տոնը հարբելու ու տժժալու առիթ չի»․ Նաիրի Հոխիկյան

Լրագրող Նաիրի Հոխիկյանը ֆեյսբուքյան իր էջում գրում է․ «Հիսուս Քրիստոսի հրաշափառ Հարության տոնը, որը կոչվում է նաև Զատիկ, նշանակում է զատում, բաժանում, հեռացում մեղքերից և վերադարձ առ Աստված:
Քրիստոս իր կյանքը զոհաբերեց համայն մարդկության կյանքերի փրկության համար։ Այսինքն՝ ազատվել մեղքերից ու բարին գործել, հարկ եղած դեպքում ինքնազոհողության գնալ հանուն բարի նպատակի, հանուն ուրիշի փրկության։
Զատկի տոնը Հայ Առաքելական սուրբ եկեղեցին և հայ հավատացյալները չեն նշում ճոխ քեֆերի, առատ սեղանների շուրջ, հարբեցողությամբ կամ դիսկոտեկներում։
Մեր օրերում, սակայն, Զատկի տոնն էլ են շատերն օգտագործում որպես առիթ՝ մեղքեր գործելու համար։
Զատկի տոնը ներկած ձու կռվեցնելու կամ չամիչով փլավ ուտելու, հարբելու ու տժժալու առիթ չի։
Զատկի տոնը խորհուրդ ունի, որը եթե չհասկանաս, ապա նշելը որևէ իմաստ չունի։
Քրիստոս հարյավ ի մեռելոց,
Օրհնյալ է Հարությունը Քրիստոսի»։