Թավրիզում հարկադիր վայրէջք կատարած Շարժա-Երևան չվերթի ինքնաթիռը վայրէջք է կատարել «Զվարթնոցում»

Շարժայից եկող ինքնաթիռը, որն այսօր տևական ժամանակ ՀՀ օդային տարածքում պտտվելուց հետո վայրէջք էր կատարել Թավրիզում, քիչ առաջ իջել է «Զվարթնոց» օդանավակայանում։ Այս մասին տեղեկանում ենք օդանավակայանի կայքից։
Օդանավը պետք է «Զվարթնոցում» վայրէջք կատարեր այսօր ժամը 16:40–ին։
Նշենք, որ եղանակային պայմաններից ելնելով՝ Հայաստան եկող ինքնաթիռները դժվարությամբ են վայրէջք կատարել։